Skip to main content

PANLAI NUN

Hmana len rual lungduh eng dawn lo a kan lenlai kha a van ngaihawm thin em,chun leh zua karah dawn lem neilo ten hlimzai kan vawr thin kha ania,engtik ah tak tawng leh ang i maw khang hun zawng kha.
Chaw thingrum nen tual chai a,sephung laiin lungten a chhe mawlh lo,chaw tlang keih a thial chuap chuap chungin sephung kan lai thin kha a nia,a vung tha ui/vawk ek a awmte kha an lian duh leh nghal a,engmah lungkham leh dawnnei hek lo,lungfing rual kha kan a tlat pek a,chaw tlang lei a nghat meuh a kan han lai tawh te kha chu,chhun chaw eiman a awm bik hliah hliah hian ka hre thin,chu a chhapah sephung laih lai a,a kaw lu lama awm chu meihawlah a chang duh tih chu kan utawk tur vawn run a,chang tak tak ni maw,fiahna erawh ka nei lo,kan awi ve em em tho,tun hnuah zawng sephung chu sawi loh vawk/ui ek khawlaia hmuh tur pawh a awm tawh meuh lo.
Ni in thlang a her meuh chuan savun hampuar chhuih lir turin mualah kan han tlan phe zuai zuai kha ania,tun lai angin phul lem awm hek lo,a la rual lo emem leh nghal,natural grass a awm pheuh pheuh kha ani mai a,phul awm lohna lai kha chu e,khu tak hi ani ringawt ngal in hlawi a awl duh phian,Ball boot nei chu tlem te an ni mai a,a nei pawh kha a neilo an tam em a vangin bun phal hek lo,an nei thlawn ani ringawt,nia a hlauhawm em reng ani,a chhuat thir dik taka ke han rah palh hi chuan ana em atin ani,phul sah rual that loh a bul pawng deuh in pal phei chuan kan han thal thuai thin kha ania,a nuam in ava hlimawm si em,fur ania kan ban chuang lo a,sai pui kal lai engmah in a dang lo e tih ang deuh khan ni sensa leh ruahsur buan buan khan min dang lo reng reng a,a nuam kan ti ting mai kha ania,chirh uih leh diak kar a han in khelh meuh chuan thiam hriat a har khawp ngal tha chak chak kha ball chang thei an ni mai,khup pilh leh ban pilh phung pawh khan e,chawlhni tlai thleng pawn kan la khel peih tho,hei ngei hi anih dawn hi tui chilh dik tak chu.
Khua a lo thal a,thlai thlak a huna,thlak thiam ve hek lo,lui lam kha kan tuanna ania,lui dung kawi tinah kan awm far hlawm a,nghapum,kaikuang leh chakai kan han man tak tak kha chu ava nuam si em,tui thehkhang a hah thlak tih mai loh chu,a ken hah thlak viau mahse khang vuak kha alo nuam ber mai,sangha rui sangha kahna a han vel ni len kha chu avan nuam tak em,chaw leh purun sen kha kan puar pui em em a,haw leh lam hahthlak tur zia tuman kan ngaihtuah hman meuh lo,sarba(sangha lian) kah tum khan kan buai em em kha ania,li mawng lam leh lulam kan kar tawn zak zak kha nia,kan va lo in fit ka ti tun hnu a ka ngaihtuah let hian,kai kuang zanah kan han kap haw leh nghal thin kha ania,Torch lai hmanna chang la hrehek lo i,mau mei chher nen lui dung kan han kal thin kha ania,ram tih kan a hlauh awm teh lul nen,Pathian zarah ram em chu kan ti kang lo tlang a,mahse thian te chal sam hal chang erawh a awm lo thei lo,a hmui chemchem zel,mei chher keng tu nih kha a hrehawm a nuam lo teh ania,thli beng dan in a zir loh phei chuan hnaptui leh mittui nen luidung kan zawh tluan a ni ringawt,mahse zun a nei nge zan zawn a kal pawn kan ning chuang lo reng reng thlem sam a iangin sawmtu apiang kan hnar lo.
Fur a zo a,khua a rawn favang chho a,sava veh a huna,Air gun la tam hek lo,sairawkherh nen kan chhuak nitin a,chhungtlai tlingtur chuan ni hnih ni thum nghah ve angai thin,zanah sai hlum thlanghra khat khat kan hrual thin kha ania,ipte ah khan a puar luih zel a,a tam teh reng nen nikhat tla tawk vel chauh ani,perhthlak erawh atam pui lo,Pahnih,Pathum lek te kha ani zel,nungcha humhalh lam kha rilru ah la de hek lo,kan perhthlak chhun Ar pa chal a min han lawm sak te kha chu lawmna dang hi angai lo veng veng em,a tuk sava veh leh chak reng reng khan zan kan mu thei lo hial kha ania,taksa chaklai ania,mut erawh khamlo tih a awm lo,ngaihtuah let hian a lunglen thlakin angaihawm thin khang hun kha.
Zan alo nia,thimhlimah chamari au in mei kan han chhem a,tunhnu a ngaihtuah let hian a nuih zat thlak thin hmawlh khawng ri a tleirawl lian uah tawh chamari man tum reng reng a han buai chu,zan a lo tlai deuh a perhpawng chiri man tumin kan han kal leh a,a hlei thlak ka ti dawn nge a vir thlak eng pawh chu nise a tui ve reng reng perhpawng kha,khang hun laia perhpawng eilo kha tlem te an niang,exam kan zo a,a lawm ang hrim in tual kan chai a,in um leh inbihruksiak kha kan tih thin ani ber a,hlauh pawh kan hrelo dai pilril deuh ah te lutin hmuh hnuhnun ber nih kha kan tum theuh a,kan van nei ka ti rul leh rannung seh chi kan tawng lo te kha,Pathian venna liau liau ani.
Hun alo in her a,Tv nei an rawn awm a,en man ah thingfak hnih anih lai te kha aw,naupang chu sawi loh nutling leh patling fate awrhchunga mi kawngkhar a Tv en a anding ran hun te kha,a lo rei tawh hle mai,tunah chuan Tv neilo chhungkua chu tlem te chauh an ni tawh,world cup lai phei chuan inchhung chu sawi loh Tv hmuh theihna kaw tin kha chu a khat vek ti ila a dik ber awm e,ani tak asin hmungai lo leh la en ngailotan chuan a entlakin,a hmuhnawm em dawn reng tak a,in neitu tan pawh chhuatnawh a huphurh awm ngawt hian nia karin,thingfak hnih lek anla pawh kha a awmlo viau lo,ahah thlak dawn em atin ni,thawkna kha an hmu a ngem aw tihtham khawp ani,entu tam dan kha chu.
Chakai chhit alo huna,khawvawt leh vangvat karah kan han kal ve thin kha ania,chakai lian deuh in cheh tir kha chu a naduh ngei mai,uchang lian deuh um a,kan han man hlei thei lo tekha aw,a nuihzat thlakin a hlimawm phian,chakai emaw tia thiante kezungpui hupthuih lah bolo,khawnvar khu dum rut mai keng a,a khu han hip taktak kha chuan hnar kua dum lo chi zia zang anilo,pialtlep nal han rah sual a,tawlh thlak khania hlauhawm chu thlarau te thlawk chhuak vek hian nia karin,aw chhang chu awm theih hian ka ring lo,din hma kha chu au ani ringawt vanneih a siamin hliamna kan awm thin lo te kha a lawmawmin Pathian venna ka ti lo thei lo,chakai thli al in kawng a han chiah tak tak kha chu a thip teh e,tlem a thau leh mal nei tha deuh te kha,kap lawng vanga kal kak thu in in an thleng ve leh thei hram kha ania,a hrehawm viau e tilo chuan ban tih reng kan nei mawlh lo.
Vai hlo zial zuk ruk leh kuhva ei kan ching ve tan a,a hrisel leh sel loh lam kha kan ngaihtuah tawh lo,a bungsei tha kha kan zawn ani ber a,a leina nei hek lo le,thian kawikhawm a kit neih te kha nia nuam chu pawl ang te te in vengtin ah an awm far a,indo lem leh insual kha kan han tui khawp a,indo lem a man nih kha nia hrehawm chu,tan chhung reilo mahse a hrehawm dan kha jail na zawng aiin a nep chuang bik lo ang,chaw ei koh ngaikhawp a indo te kha chu e,a ram vei thlak iti ve ngawt lo maw?Hotu deuh in zial bung sei deuh changin tlem a nau deuhte kha zial bung zawng tu an nia,u deuh leh Hotupa kawm a tlawn thiam thiam kha an ni hlawh ani mai a,zial bung pawh adawng sei deuh midang te chan ai chuan,vai lal ang deuh khan an han tan sak thlap thlap a,entawn tur tingin Sholay leh Disco dancer alo lar bawk nen,inti lal thei tak kha an nia,then khat chhungte mitpawh athi lek lek hian nia ka rin ni.

Popular posts from this blog

Ka duhtak chuan heti hian mi ti a. Tho la, ka hmangaih, ka enchim loh, lo kal ta che,Hla Thlan Khawmte 2:10

Hla Thlan Khawmte 2:10 Ka duhtak chuan heti hian mi ti a. Tho la, ka hmangaih, ka enchim loh, lo kal ta che,

Thenawmte i bum tur a ni lo va, i ruksak tur a ni hek lo. Inhlawhfa hlawh chu zankhua khuain a tuk thlengin i kawl tur a ni lo.Leviticus 19:13)

Leviticus 19:13 Thenawmte i bum tur a ni lo va, i ruksak tur a ni hek lo. Inhlawhfa hlawh chu zankhua khuain a tuk thlengin i kawl tur a ni lo.

Mit siaitu chuan lungngaihna a thlen a, Mi â kamtam chu a tlu ang.Thufingte 10:10

Thufingte 10:10 Mit siaitu chuan lungngaihna a thlen a, Mi â kamtam chu a tlu ang.