Skip to main content

Welcome Thingpui hang

Ve khang langin khawthlang tawng han zep ve lawk ila.Hun hian min nghak silo a,Pan lai nun te pawh a ngaih awm rum rum a lawm le,han tleirawl deuh;a ruk a ngaihzawng neih hun lai te kha aw!chu mai ani lo,kum sawmhnih ral kan han kai a,leng i te sum hmun kai duh si rual u te zah deuh bawk si nen,tawi tawi a let leh in tual mei kan chhem ngawt zel kha ania, nau leh deuh te kawi khawm in thu za tla kha kan hlim puiin,zan kan hmang ral ve leh mai thin kha ania.Hah leh chauh pawh dawn lo khan, Zawlbuk awm tawh hek lo,''mahni duh duh mual hranah'',kan ti tawh mai a,tlem a hmaifang tha leh taima deuh te hi chu an tla na in chhung te pawn makpa ah an awt ngawih ngawih zel a, uan pui chang lo se,in uan ve na tham tak chu ani,khawkhat tlangval fel han nih meuh zawng par zu kan rui lek lek zawk thin an ti,mahse tla na lo lai leng hi chu e,lungpui ai pawn an duh lo zawk thin.
Nula in kan han kai a,sum hmun kan han rap ri rak tawh hi chu,mawng hawlh ang mai hian a lo phusek tawh thin a, U Vala a lo kal e,tih leh thut hmun rem a rual a,tun lai ang chu nise Room ah kalin Dar thlalang hmaah a han interview ngei hian ka ring ani,kawng ka pen luh hma hma in,lo leng rawh tih leh a bul a thutur a duhsakna mit mei chu hmuh hmaih chi ani bal lo,dawhthleng a sei loh teh lul nen a la tawlh tha duh der lo leh nghal,thu chiah e ti lo chuan,lawm nun a lawm te tui a tulh ang mai hian,dang hnawn loh hlau reng rengin thingpui an chhuang nghal a, an so barh barh a,a khuzam lo chhuak chu a rim tuiin,kut nuai ngei ani tih a hriat a,eng a mah hma chuan thing pui kan tam ani ber mai, a sat teh reng nen a thli zo chu kan dawt nghal mawlh mawlh a,kurtai nen a tui dan kha a dang bik riau,a lum tu vang nge,khang hun lai vang zawk khan aw,hun alo kal zel a,chin than ah neiin mizo te chuan in leng in welcome nan ber kan hmang ta a,nula te in elna pakhat alo ni ve bawk nen,tlangval leng tamna nih duh tan chuan thingpui lum thiam kha alo hlu emem dawn hian ka hria ani,tun ah erawh changkanna khawvelah chuan thingpui pawh a nu ngat lo zawng chuan lung a dum tawh lo anih ber hi maw,khang hun lai kha aw,in leng thingpui sen leh kurtai a lo hlui thin nu leh pa te khan eng tin tak ngai ang i maw?tun ah zawng thingpui nu leh vai chhang siam ani tawh si a,Welcome pawh a thingpui hang zo tawh lo anih hi a.
Val lungmawl a,chhawl hal chhawk turin,
Lengin a tulh um tui;fiar a tui iang,
Zan hun thim hlim pui turin,
A kai tleitiri sum hmun tuai tir an,
Dawn lem nei lo,dawh thleng an,
Biah thu di hlan e,lungmawl an,
Lungmawl in lo chhawn e,lawmna;
Welcome thingpui hang in,
Char ang ro tur dang hnawn nan.

Comments

Popular posts from this blog

Ka duhtak chuan heti hian mi ti a. Tho la, ka hmangaih, ka enchim loh, lo kal ta che,Hla Thlan Khawmte 2:10

Hla Thlan Khawmte 2:10 Ka duhtak chuan heti hian mi ti a. Tho la, ka hmangaih, ka enchim loh, lo kal ta che,

Thenawmte i bum tur a ni lo va, i ruksak tur a ni hek lo. Inhlawhfa hlawh chu zankhua khuain a tuk thlengin i kawl tur a ni lo.Leviticus 19:13)

Leviticus 19:13 Thenawmte i bum tur a ni lo va, i ruksak tur a ni hek lo. Inhlawhfa hlawh chu zankhua khuain a tuk thlengin i kawl tur a ni lo.

Mit siaitu chuan lungngaihna a thlen a, Mi â kamtam chu a tlu ang.Thufingte 10:10

Thufingte 10:10 Mit siaitu chuan lungngaihna a thlen a, Mi â kamtam chu a tlu ang.