Skip to main content

AWMPUI CHHUAHNI


Mi tin mahni tul tul a buaiin,kar kan hmang ral a,thingtlang lamah chuan lo neih leh kut hnathawh(ram hna) dang a ei zawn ani ber a,khawpui lamah erawh office kai leh dawr nghah ani deuh ber a,Chhungkua eizawnna a zirin khawsak phung leh thil neih te pawh a in ang lo fur a,a neinung deuh an nei tha deuh a,nei lo te erawh an berh hle thung.
Thal an chhuak dawn dekdek a,khawpui veng then khat te erawh tui an har tanin,tui zuar te tan a hralh kal hun a ni leh tan der tawh a,thingtlang lamah erawh ram kang vangin, veng pa te an hman hlel hle thung,luite kal leh ram chhuah nawm hun anih laiin khawpui lam erawh boruak a ritin a lum emem a,a khu vei bawk nen tui mamawhna a sang zual sauh a,chhem dam thli chu khawi lam Fan meuh pawh a thaw lum huk huk a,,siam chawp anih vang nge,chhem dam thli a ngaih awm vang vang thin hle ngei ang.
Tuah leh Vau an vul chuk a,a ti mawi zual tur an a chung zawnah romei an kai chiai hi chuan khua nu kut chhuak mawi zia hi sawi sen a van ni lo em,khawpui lamah erawh hmuh tur a vangin,hmuh theih chin pawh tihpalh til thu a tla hawk hawk thei in chu kham pangah chuan a in thiat fur a,a ral muang lo teh e,ni a sa in a ro bawk ani, tlang tin mual tin a ro nghulh a,ruam then khat ah erawh mei khu a awm chuk bawk a,kawt thler leh kawng pui dum tliang zarah chuan lirthei a ding tliang tuar bawk a,a khu dum rum rum leh a hmel paw phuk nen.
Fur khaw chen leh tui hawk luang ten tui hnar an hnawh a,then khat laiah leh leimin leh hnawl in chhung kaw then khat a ti mangang in,rilru thlabar in a dah a,thingtlang lamah erawh a ruah in ban a nei hleinem le tih hma chhuanin tui puan  nen thlawh hma lam an pan thung a,lei min leh tui hawk,nun ti harsa khawp a tibuaitu awm hek lo,rilru leh thinlung chu lo lam thlaiah chuan a bet nasa hle a,vawk leh ar lah lung fing hek lole,a rem lailaiah zun leh ek thlauhin a tui hnai lo viau,khawpui lam ah erawh electric eng hnuaia lai khum lo zal tawk lah bolo,chu tih mek laia thin lung mangang a thlabar au thawm te chuan a ri chuah chuah a,Bazzar lam erawh a tha zawk beiseiin an lo in chuh vel bawk a,hringnun zawng a buai teh e.
Vawk hniak pawh a ro charin perhpawng vung a lo thar sar a,pholeng leh phul te pawh an hring sar a,berh va leh chipte an phu deuh sek bawk a khua a thiangin boruak a zang khai hle a,khaw lum rut awm tawh loin tlaini tla mawlh hi sin mawi ni,boruak a theng thaw nuamin khawlai len vah leh chhuah te pawh a nuam tan hle a,in chhung a in khung reng ai chuan pawn ni lum lam chuan mi a hip a,nisa ti dai tur a thlifim nem diai lo thaw heuh heuh te chuan thinlung a hnehin nun a hlim vawng vawng thin,hei lawm ni hring nun a nawm lai ber chu hlimlai ni hi.
Mi tin mahni hna chawl a,hahdam na hun hmangin then khat Biak in lam ah kal in, then khat te erawh len lai chenin an fian rial thung a,chutiang chiah chuan Awmpui te pawn chawlhni chu an nghak hlel ve hle a,an awl ni leh then rual an kawm hun ani ber a,khawpui ah chuan then khat lenna a chaw ei tawk leh eina nei kher lo te pawh an awm nawk a,hun dang ni dang a,chhuak tur a hun thawl nei meuh lo pawh khan chawlhni hi chu tang chhuah hlim ang vangin zing anih phat a tangin a suang tuahna chuan a kalna tur hmun tin chu a fang lawk a,tlail am a ngai awh leh tur tih hrelo lek chuan,am ten chawlhni a han hmang ta a,pawh sei theih nise a chak ngawt hian ka ring thin.Sunday hi chuan thler tin ah hian a kawp leh kawp lo te nen an lo ding far zel,awmpui te leh awmpui lo te pawh,a nihna tak ah chuan mihring kan in tluk tlan ni ber ani awm e,rethei deuh leh rethei lo te tan pawh in ang a kan hman theihni,zalenna ni ti ila chawlhni hi,Awmpui te tan hian a va ni leh bik zual em ve le an phur rit kianni.

Comments

Popular posts from this blog

A THU THUHRUK

A tawngkam thlum leh nem diai chu hriat anuam ani satliah lo a,a cham hian a cham reng zawk ani.A sawi reng reng dawt a tel ngai lo a,a hmui chu thu dik loin a ti bawlh hlawh hek lo,ka tan thu tha a ui  ngai lo a,min zilh nan a hun lah a ui hek lo.Hmeichhe awm nem zawk ni mahse a rilru chu a paukhauh tlat si,a hmel leh pian chu sawi loh a lum ani a,a chhung ril mawina hian a khuh a ni ber mai.    A sawi fo leh ngaih pawimawh emem chu Rinawmna hi a ni a,a sawi reng a a sawi bang ngai hauh lo.Hmangaihna ah chuan rinawmna hi a pawimawh em em a,dam chhung  a awm dun tur chuan rinawmna neih angai a,chu rinawmna tel lo chuan hmangaihna a  famkim theilo a,a par vul thei hek lo,a kuh mum a a vul hmain a vuai in a chuai leh nge nge thin.chu rinawmna nei tur chuan mi nghet leh mihuaisen nih angai a,buaina leh thlipui lo hrang chang pawhin lungpui ang mai a din reng angai thin,hmangaihna kawng ah chuan hmelma an awm lo thei lo a, chu tiang karah pawh huaisen taka in rintawnna nen beih dun anih

RAMHUAI RIAH RUN

An sawi thin ramhuai thawnthu leh chanchin,Film leh lehkhabu ah te kan hmuh fo tawh ramhuai te hian awmduhna leh tlat bikna an nei ve tlat nia mawle.Mak ve tak mai   chu ramhuai leh thlahrang hi a dang an tih hi.Ramhuai te hian pianzia fel tak zu nei ve tlat a,hmel hlauhawm puipui pu leh mihring hmel ang tak pute pawh an awm nawk bawk a,chet dan hrang hrang nei an awm leh a,thenkhat   thawm hlauhawm siam thiam emem te,thenkhat rawn in lar zawk a bo leh mai thin te,then khat awmna ngai a, ngawi reng a awm reng te an awm leh a. Vawikhat chu Skul kan kal laiin,zanah lehkha zirtur in class room ah kan thu thap tawh a,zirtirtute lo kal hma thian ho kan titi hlim emem lai chuan, kan Skul chhak lawk a kawng ah chuan kan Sir,  kal thawm ni awm tak ri hi kan hria a,kan Sir anih ringin kan zirna room ah bak lengin kan tlan a,mahse darkar a liam hnu pawn kan Sir hmel rengreng alo lang silo,Room khat ah chuan kan lut leh thap a,rilru ah chuan helai hmun hi tun hma in ramhuai an awm thin tih

TLAI NI TLA TUR

Tlaikhua alo ngui chang hian,ka ngaizual thin hmanlai chang hnu a liampui leh si hlimlaini zawng te let leh lo turin