Skip to main content

RAMHUAI RIAH RUN


An sawi thin ramhuai thawnthu leh chanchin,Film leh lehkhabu ah te kan hmuh fo tawh ramhuai te hian awmduhna leh tlat bikna an nei ve tlat nia mawle.Mak ve tak mai  chu ramhuai leh thlahrang hi a dang an tih hi.Ramhuai te hian pianzia fel tak zu nei ve tlat a,hmel hlauhawm puipui pu leh mihring hmel ang tak pute pawh an awm nawk bawk a,chet dan hrang hrang nei an awm leh a,thenkhat  thawm hlauhawm siam thiam emem te,thenkhat rawn in lar zawk a bo leh mai thin te,then khat awmna ngai a, ngawi reng a awm reng te an awm leh a.
Vawikhat chu Skul kan kal laiin,zanah lehkha zirtur in class room ah kan thu thap tawh a,zirtirtute lo kal hma thian ho kan titi hlim emem lai chuan, kan Skul chhak lawk a kawng ah chuan kan Sir,  kal thawm ni awm tak ri hi kan hria a,kan Sir anih ringin kan zirna room ah bak lengin kan tlan a,mahse darkar a liam hnu pawn kan Sir hmel rengreng alo lang silo,Room khat ah chuan kan lut leh thap a,rilru ah chuan helai hmun hi tun hma in ramhuai an awm thin tih an sawi thin chu  rilru ah alo lang a,ngaihtuahna chu a kal ding duhkhawp mai.
Tichuan zan khat chu tawngtai turin Pu Hranglala tawngtaina ah kan kal a,helai hmun hi ngaw tha tak leh zan ah phei chuan a reh thiapin, a hmun hi a thim deuh khup a,hmun laili tak ni mahse Skul leh lodge tih lo chu a bul hnai ah  in ding dang a awm meuh lo,tun hma deuh phei chuan Ramhuai/Thlahrang an hmuh fona hmun niin an sawi thin.A awmna hi tlang pawng deuh ani a,a liam zawlah chiah chuan Purakawn a awm a,a hmun pan chhohna hi veng chung lam atang ani ve thung a.Mi dawi zep deuh tan phei chuan chhun a han paltlang pawh a zam awm ru hle ani,kawng atangin a hmun hi a va peng ve leh a,tawngtai tur pawn mahni chauh chuan tih awm ve tak ani.
Chutia  tawngtai tur a kan kal chu kan hma tawngtaina insir zawlah chuan mei eng ang tak,mahse alh sen silo,a en dan chu  electric trek eng var deuh hi a ang ber,chutiang chu kan hmu a,a hlauh awm ru ve reng mahse kan kal  chhan leh rinchhan Pathian a ropui em avang in chu eng lam chu kan pan a,a bul kan thlen chuan lubung hi a lo ni a,kan thian ho chuan zim a man kan tum lai tak chuan a bo ta daih a,mak ve ang reng tak ani, lairil ah chu chu a thi thei mawlh  lo,chutiang bawkin Pangkhua Pu chawngkhupa tawngtaina kan kal leh chuan lubung bawk chu kan hmu leh a,mahse thian ho kan nih a vang in a hlauhawm dan a nep deuh.
Vawikhat leh pawh Pu Thangbawnga tawngtaina tlangah tawngtai turin kan kal leh a,mi thenkhatin van tirhkoh ang deuh an hmuh thu te pawh an sawi a,zan ani a,Pu thangbawnga tawngtaina hi vengtawp sihtlang kawng chungah a awm a,a pang leh lam chiah hi Thlanmual  ani ve thunga,hmun fianrial leh bethel nana itawm  emem mai ani a,mahse a hmun in a zir vangnge hmun nel awm zawk zawk chu ani lo,a hma an kan hmuh ang tho lubung bawk chu kan hmu leh achutiang bawk in Pu Saikhuma thlanah pawh mak ve emem mai chu kan hmuh dan lah danglam zu awm hauh lo a,mahse tu thla nge ni ta erawh kan hre mai lo,chuta tang chuan heng ramhuai leh thlahrang te pawh hian Pathian awmna  hi an thik em avangin, a mi, amah bia a lo kal te chu rikrap turin an lo awm thin anih hi tih chu rilru  ah alang lian hle a,chung an rikrap tak ate chuan kal leh an tum tawh ngai meuh lo,keini erawh kan la ban san lo chumi hnu  pawh chuan kan la hmu leh zeuh zeuh thin. 
Kan khuaah hian nula leh tlangval in hmangaih tak mai hi an awm a,mipa zawk hming chu Zo-a ani a,hmeichhia zawk chu Afaki a ni a.Tette atanga in kawm leh in ngaina emem mai an ni  a,skul te pawh kal tlang thin an ni.Kan khua ah hian Pawl sawm thleng a zir theih a,a bak piah lam chu khaw dang ah zir angai a,tette atanga in zui leh in kawm nanana chu hmangaihna lamah an lo zuang lut hman a, kum tlin hma in.Pawl sawm an passed hnu chuan an awmna a in ang reng thei tawh silo,hmun hran ah an awm a ngai ta tlat.
Afaki te hi mi awmthei tak chhungkua an nih loh avangin,zirna sang zawk pawh zawm hlei thei loin a awm a,mahse B.A. chu a zo ve hram a,hmun hranah awm mahse an thinlung lam erawh a in hnaih hle a,lehkhathawn chu an in biak pawh na awm chhun ala ni rih si a,thla tir hi chuan Post man chang hian tukverh leh kawngka pui a kar tawn zut zel.
Zo-a  te erawh tlemin an awm thei deuh a,B,A a zir zawh hnu chuan,Mizoram pawn lamah zir zawm zel turin phailam ah a chhuk thla ta a,Mobile phone la awm hek  lo,lehkha in thawn pawh chu a har talh tawh a,a hma aiin chanchin pawh an in hrethei tawh lo zawk,inngai tak leh in hmangaih tak a awmthin kha,khawvel fin na in a then hrang a,an rin ngai lo leh manglam pawh a an ngaihtuah ngai loh,in be thei lo leh in kawm thei lo a an awm hun chu alo thleng ta,duh thlan tur lah awm suh,Afaki erawh a rinawm hle a,nula hleitling teh lua ni lo mahse hmel lamah erawh a duai chuang bik lo,tlangval hip nan chuan a tawk khawp,a sak ruang sei lo mahse en erawh anuam in ataksa a in phut mawi tawk a,mizo in a khal kan tih ang vel hi ani ang.
Zo-a erawh a rilru a dang hret hret a,ngaihzawng hleitling leh hmeltha tak tak te pawh a nei nuk a,amah hi pa hmeltha teh lua ni lo mahse a hleitling tawk ve hle a,hmeichhia in a hmel a pa an tih ang kha ani ang.A changchuan athian Afaki chu a ngai ve thin hle a,mahse  Afaki’n angaih dan nen chuan a in hlat hle.A zirlai a zo tawh bawk a,a tan Phai a awm reng a rem loh avangin mahni in lum panin alo  haw a,van duai thlaktakin a hawkawngah Accident-in a keruh a tliak ta hlauh mai,hun rei tak chhuak thei lo a awmlai te chuan Afaki chuan,lengin a kawm hlim thin a,Zo-a chuan Phone  te nei in,Gmail hmangin thian a kawm thin tih reng Afakin a hriat pui lo,hmangaih tak leh duat takin a dam loh chhung chu lengin a  taksa kham te leh thil tul tih ngai te chu atih sak thin a.
Zo-a hi lehkha thiam ani bawk nen Mizoram a rawn chhauh phat khan hnathawh tur zawn buai ngai loin a in chhawp rup a(hetih lai hian Mizoram zirtirtu hna tam lai nih a rinawm).A natna alo dam tak hnu chuan tlangval pumpa han awm ni leng tawp chu tiin Aizawl lamah zirtirtu hna thawk turin a phei a,Afaki nen pawh a hma ang tho khan anla inel a,mahse Zoa chuan ngaihzawng enin a en ngai meuh lo.Aizawl a awm atanga kum hnih lek ah Zo-an nupui aneih tur thu chu an khua a thangchhuak a.Afaki pawn ahai mawlh lo,chu ri chu a bengah a ri nawn tluk tluk a,a beisei ruk leh damchhung kawppui tur a tana a thlan,a ngaihtuahna a thi ngai loin nupui a nei dawn tih a hriat chuan a biangah mittui aluang lo thei lo.Natna khuma a buaipui lai leh nui hiau a an in kawmna te chu hmangaihna ni lo in, thian in kawmna mai alo ni anih tih chu fiahtakin a hre uar uar a.
Mahse a la ring phal lo,a ka atang ngei a hriat a duh,nei dawn nise a hre hmasa tute zing ami anih a in beisei tlat,chu beiseina chuan tlem te a la kal tir tiang tiang a,mahse chaw erawh tui takin a ei thei meuh lo,mut chu sawi loh thut pawh a thu rem hleithei lo(hlan loh hmangaihna vangin Afaki hi dem ngawt lo la),Hmangaihna hi sawi chhuah satliah aiin thil tih a lang chiang zawk,An pahnih in pawh dan leh awm dan a tang chuan a tuarna hi hriatthiam phak bak ani.a tuartu lo tan chuan sawi ve ngawt chi ani lo.
Rilru na tak leh baihvai tak a awm lai chuan envelope keng a naupang,an in lam pan a lo kal mek chu beisei nei takin a lo thlir dauh dauh a,kawng khar a luh rualin "u A fak,, I lehkha"  tih leh tlan chhuah chu a rual nghal a,Afaki tan chuan thil han zawh hman pawh anilo(I ngaithiam lo viau ani mah na,Thingtlang naupang chu tual an chai tawh chuan chu bak lung kham an nei lo),chu lehkha chu muang chang a hawngin,a chhung a thil awm chu a dang lam kher mai,tun hma a dawn thin lehkha puan ang kha ani tawhh hauh lo,Lehkha puan chhah leh a tlang in par chi chiai,thuziak pawh tle siau siau a hmuh chuan a mittui ati far lo thei lo.A eng lutuk vang a mittui ti tla chu anih hmel loh,chu lehkha chu thil dang ni lo in Inneih lawmpui tur a sawmna, abik tak a siam leh chei ani miau a,tu dang ni loin a ngaihtuah thin Zo-a te leh nghal, eng tin nge a tlak loh theih reng ang ni.
Rang takin lehkha a thawn let a,nei lo tur a a duh thu leh anilo midang anei anih chuan atan dam reng a tul loh thu te chu ziak in  Afaki chuan ngen lawm lawm mahse,Zoa thinnlung ti nghing tur chuan a nep deuh ani mahna,in neihna tur thil tul buai pui chuan an buai mupmup reng a.A nupui neihna tur kar khat chiah a awm tawh tih chuan Afaki lehkha bawk chu a dawng leh a,a ni lo midang aneih chuan a him bik loh tur thu ani.
Zo-a pawh in lamah a rawn haw tawh a,engkim peih fel ani ta a tuk chu an in neih ni tur ani tawh a,chhun Dar 11:00am chu an in neih hun tur ani a,a nupui tur te pawh an lo thleng diam tawh a,a tuk khua alo var a,Zo-a leh a nupui tur te chu in siam in inneih thuam nen chuan an mawi kher mai,a lawmpui tur mipui te pawh an hlimin,ran pawh an talh tam na ngiang mai.
Ral atang chuan Inkhawm dar chu alo ri ral ral a,Afaki erawh biakin lam pan turin a in ruahman ve hauh lo,mahse a in chai vang mai,Zo-an a Birthday a alei sak kawrfual sen chu a ha a,Biakin leh ruaituan (fatu) ho awmna tih loh chu a reh thuap a.Afaki te in hi inneih sahar an siamna bul lawk a awm an ni a,chu lai fatu ho tan chuan tui sik han in a eng eng emaw han ban lawk nan a rem hle a.Chhun dar 11:00am a lo ni ta,Zoa leh a nupui tur chu Biakin pulpit hmaah chuan thu tiam chham a,kum tluanga tiam tlat e tiin zung bun an in bun tir a,chu tih laiin Afaki erawh Bathroom ah hruizen a nghawngah a lo bun ve bawk a,in neihni hlim ni e tilo chuan khua chu a reh thuap mai,Rema lum ti tui sik intur in,  Afaki te in ah chuan a han lut  a,kawngka leh tukverh chu a in hawng huau a,a auh pawh chuan chhawn tu an awm silo,mi awm loh lai a,thil han lak rawk lah a hrehbawk si,room kawng khar in hawng chu a va bih a,make up bur hnawk nuai leh thuamhnaw darh neinuai a hmuh chuan a rilru a ti nuam zan lo.
Bathroom lam a pan a,kawng khar chu in khar thiapin chhunglam atanga kalh ani tih hriat takin hawn theih ani lo,awm chu an awm ani tih chu a chiang viau mai,mahse auh na aw chhang tu reng reng erawh an awm lo,a thlang tuk verh zawnah chuan mu van lai a hram ngaingai a,chutia mang ang emem leh rilru baih vai tak a Rema a awm lai chuan,bathroom kua zawn atang a,thil phe zeuh chuan a mit a rawn la chat a,kal hnai a an bih nak chuan,boruak a ke inkhai vir leuh leuh,hrui ni awm tak sen rawn uaithla zuar chu a hmu a,tunge anih a hmel a hmu thei silo,a thiante pun tur chuan atlan chhuak vat a,a thian te a  pun hnuchuan kawngkhar chu ti chhia in,alo sawi lawk tawh ang ngeiin Afaki’n,”nangin zungbun I bun tir chuan keiin hruizen ka nghawngah ka bunang tih chu,”a takin alo thleng ta.
Biakin a mite pawh chu an meng phawk deuh hru a,chu ni ber kher chu ‘thatni,chhiatni’ngei ani an ti rilru hlawm a,chuta chin chu Afaki thla chu  a in lar zeuh zeuh a,Zo-a bulah vawikhat ava in lar leh a,”min neih loh chuan I nu leh pate ka tina dawn”,ava ti thin a,Zoa tan chuan a nu leh pa te hi an hlu em bawk ani,chuta chinchu Afaki thla chuan Zoa te chhungkua chu a chhuah san ngai meuh lo,Zoa a mut dawn in a roomah a in lar a,a mut hilh hnu ah zoa nu leh pate mu hil chu a va ti harh leh thin,vawikhat phei chu Zoa sikul kal tur motor a a kal chu tibuai leh in,  ramtui lei loin a awm phah hial a,Tiang thil a thlen tak vang khan,thu in tiam vek  in zung bun hial in bun tir tawh mahse an In neihna chu an thulh ta a.
Amaherawh Afaki chu a lungawi thei tawh lo,zoa chu ati buai reng a,in neih a sawm reng bawk a,a duh loh chuan a nu leh pate atih nat tur thuin a vo ziah a,in hmangaihna pawh hi a daih tawh chuan hmelma hlauh awm tak alo ni.Afaki thla chuan kawrsen a ha a,a hmui a sen hiam bawk a,a inlar tawh chuan hmuh thelh thei ani lo,chhun lamah a inlar emem lo a,thimhlimah kawngkal ho ti buai in,mut hun velah zo a,zan reh a zoa nu leh pa,tawngtaina leh zoa tein chu a chet tlat tam na ani.
Chuta tang chuan thlahrang(ramhuai) kan tih te hi chhan nei in an hrangin an in lar thin tih ka hriat phah a,awm duhna leh tumbik an nei tlangpui  bawk a,an tum a hlawhtlin nan chuan tih hreh an neih meuh lo,chutiang a ngaihtuahna seng a ka awm mek lai chuan,ka hma a kawrfual sen ha,hmuisen ham mai boruak a lo ding chu ka hmu a,ka ding chawt a,haw lam ani bawk si,ka lenna te nen chaw eitui tiin kan in thlah diam tawh bawk si,han let chhoh leh chu a zah thlak tawh si,ka hma a thla lah chuan min rawn pan zel bawk si,an sawi thin Afaki thla ngei chu alo ni  a,khuah lah chu a thim lam zel ani a,leh hawi a tlan thut ka tum lai chuan,tu emaw hian ka ban ah min lo chelh a,ka harh hlawl a,ka mumang  ani tih ka hre ta a,ka ngaihtuah a tawngtaina meuh hrang chu a hlauhawm dawn lutuk hian ka hria a,mahse vawiin thlengin tawngtaina an thil hmuh thin miin an sawi chu ka la hmu ve ngai meuh lo.
An pianzia,engtin nge an awm a,an inlar thin tih chu thawnthu bu leh Film a ka hmuh dan bak lo chuan ka hre meuh lo,keini ringtu in tite tan chuan hneh sa an ni a,lo awm in hmu pawh ni ta ila hlau tur chu kan ni lo,hneh chung leh hneh zel tur a tawngtai in,Pathian ramah sual leh a thiltih theihna in hnehna a chang thei lo.
Ramhuai te chu an lo awm pawh ani mahna mihringin kan hlauh ber zawk chu kan ngaihtuahna hi ani awm e,Ramhuai ni loin!

Comments

Popular posts from this blog

Ka duhtak chuan heti hian mi ti a. Tho la, ka hmangaih, ka enchim loh, lo kal ta che,Hla Thlan Khawmte 2:10

Hla Thlan Khawmte 2:10 Ka duhtak chuan heti hian mi ti a. Tho la, ka hmangaih, ka enchim loh, lo kal ta che,

Thenawmte i bum tur a ni lo va, i ruksak tur a ni hek lo. Inhlawhfa hlawh chu zankhua khuain a tuk thlengin i kawl tur a ni lo.Leviticus 19:13)

Leviticus 19:13 Thenawmte i bum tur a ni lo va, i ruksak tur a ni hek lo. Inhlawhfa hlawh chu zankhua khuain a tuk thlengin i kawl tur a ni lo.

Mit siaitu chuan lungngaihna a thlen a, Mi â kamtam chu a tlu ang.Thufingte 10:10

Thufingte 10:10 Mit siaitu chuan lungngaihna a thlen a, Mi â kamtam chu a tlu ang.