Skip to main content

Posts

Showing posts from February, 2020

LEI LET LUNGDI

Kum 2001 September thla ani a ,Phai ram hmun then khat ah chuan ruahtui a hul tawh a.Zoramah erawh vangthla tir ah pawh ruahtui a la tla chep chep reng a.Assam state ah erawh khua rawn favang chho tanin ,boruak a zang sawt hle a,chhun ah erawh Ni a sa in,khua a lum hle thung a,zan lam erawh a vawt thung,chutiang boruak in lum let mut mut karah chuan,an lo lam rah erawh an thar tha dawn hle thung in  alang. Buh vui te pawh a tha in,a buk mawi hle mai. Anjit-a te pawh an buh chu kum dang aiin a tha ni ngei tur ani,an Pathian hnenah lawm thu an sawi cham chi a,a lan dan in Pathian zah leh tih tak chhungkua ani ngei mai,eng sakhua nge an nih tih chu an Pthian biak dan an a chiang mai,sakhuana an ngai pawimawh hle a ni tih chu a chiang hle mai.eng sakhua tak ni ang maw? "Tlem a nei nung deuh leh hausa deuh chu ni ila,hlawhfa te ruaiin 'leilet' zau zawk kan siam tur ania",tiin Babur-a(Anjit-a Pa) chuan a nupui Rajni chu a titi pui mawlh mawlh a,chutih lai chuan Anjit-a

RUL RANGKACHAK

Thian te nen lui kal tura in sawm in,Zo-a chu a tuk khawvar hun nghak in khumah chuan a muhil hlei thei lo a,zing tak a kal tur an nih a vangin chaw te chu zanah a chhum sa diam a,eng emaw ngaihtuah chuan kar loh a muhil ta a,a helhawlh vang nge rei lo ah khua chu lo varin,chaw chu a fun sawk sawk a,a phur siamin a thian te chu a sawm kual a,mahse khua chu ala zing em avangin an lo peihlo san zel a,ani lah phur bawk si,zan a insiamsa diam nen chutiang a an lo peih lo san zel chu ma kilo ti viau mai thei han chhiar zel phawt teh. Chu tia a thian ten an peih loh san takah chuan amah chauh chuan kurung lui lam pan chuan akal thla ta a,thallai ania theh kang hun ani bawk nen,Tin-te(distemper Bur) chu khai lauh lauh pah chuan lui lam pan chuan a chhuk hnak hnak a,ram ngaw kar ani a khua eng chuan a en zawh chiah loh avangin a thim deuh ruih a,a phur em a vang chuan chauh pawh a chau lem lo aniang,chawlh pawh chawl meuh lo,lui kawr a thlen chuan khua alo eng viau tawh a,lui dung chu za