Skip to main content

Posts

Showing posts from 2019

FAMOUS RIVER OF PAITHAR

KURUNG: Kurung lui hi lui lian tak ti a sawi tur chu ani lo a,Paithar khua atang a luang thlain chhimtuipui ah a luang lut a.Luidung sei tak leh chhengchhe emem a ni thung a,mahse Paithar khua mipui te tan chuan an lui sa hmuhna ber ani ve reuh a.chhengchhe tak e ti lo hian kal lah an bang lo,Sangha lian tak sawi tur awm lo mahse,nghapum leh dawntial te erawh an tam hle a,kaikuang leh chakai chen in,chhimtuipui a luanglut ni mahse tuipui sangha hmuh tur erawh an vang hle,Pialtlep leh lengkir atam hle a,chetsual palh a hlauh awm hle.chutiang pawh ni mahse Paithar khua mi te luisa zawnna anih miau avangin a khaw mi te tan chuan a hluin a pawimawh emem a,chutih rual chuan tur erawh hman phal anilo a,Ru,khang,lensuah leh kah,thehkang chu an man dan awmchhun ani ber a,li lian tak tak a awm loh avang hian len hman erawh a ngai meuh lo,lui fin tu a tam em avangin fur lai chuan a lian thei hle a,lui kuang pawh a dang lam chak hle.Nipui lai chuan tui a te in,li thehkang anuamin kal pawh an i

THINGKHUANGPUI

Mizoram chhimlam khua Paithar khaw laili a awm,thing upa leh lian ve tawk tak,a khaw mite hriat hlawh  leh rual u te lung ti leng tu THINGKHUANGPUI,Mizo in zokhiang ti a kan sawi mai hi ani a. Khawhnuai leh khawchung in karah awmin a awmna hmun hi a rem hle a,skul bul hnaiah awmin in,mihring khawsakna atan a hnawksak lo tawk chiah khaw laili tak si ah,a ding ve luah a,a chhak hlek ah Thingsepui upa tawh tak ding bawk in khawchung leh khawhnuai in kalpawhna kawng chu an kar cheh a,Thingsepui dinna thlanglam zawng chu ramngaw ani mai a,a hmar lam zawng erawh Primary skul(1) leh  Pu Hranglal a tawngtaina ani ve thung a,a chhuah lam erawh middle school niin,a chhimlamah High school a awm bawk a,a awmna hi a remin chhun nisat vanglai pheichuan han chawlh hahdam a thlifim han dawn nan a tha in boruak a zangkhai hle.Kawng sir mai anih a vangin a chhung kawrawng zau tak mai atang  a,a ro tawl lian tak rawn lawr zuah mai chu kal chhuk chho tan a,ninhlei duk a awl duh hle a,mi nin hlei deuh

MUTIAL TLANG

Mutial tlang hi Paithar khawbul rawt a awm niin,tlang hriat lar loh tak chanchin ngah tak ni lawi si ani. Mutial tlang dung hi sei luttuk tihtur ni lo mahse Saikah ram leh Rulkual ram thleng a in zar pharhin,Rulkual ram a chhip sanglai ber hi ALU tlang tih ani a,Saikah lam a awm ve thung hi BUHVUM tlang tih ani ve thung a,Paithar ram a awmtak hi MUTIAL tlang kan tih tak a chu ani.A tlang hi awitlan niin Thang in a bawh hneh hle a,a tlang dung hi Ramgaw in a then thliah thliah a,Paithar khaw hnaih,a tawn tirh lam pang hi NGEINGEI TLANG tih ani a,a dawt leh chiah  a sang lai,a lai tak a awm hi TLANGPUI tih ani leh a, tawp ber R.vanhne ram hnaih ber hi Khuavang lungdawh awmna ani ve thung a. Mutial tlang hian chanchin a nei ve neuh neuh a,Upa te sawi dan chuan,"Mutial tlang hian huai neiin chu huai lal fanu leh Phawngpui huai lal fapa chu in nei in,Paithar tlang a ransa leh sava,pangpar te hi a chhawm tel deuh vek a,chuta tang chuan Paithar tlang ah hian sa leh sava,pangpar te

THE PARADISE VILLAGE OF PAITHAR

Kum 1897 khan Liansaia(Laisai) Hlawnchhing chuan Serkawr atangin Chhimtuipui ralah khua lo sat in,A hmingah PHAITHAR  tih ani a,A chhantak pawh Phaiphek hnim chikhat hmul deuh tak, me deuh,  a tam em a vang in chumi hming chawi chuan PHAITHAR khua hi an lo din a,mahse hun lo danglam zelah a hmingte pawh chu sawi dan alo danglam chho zeuh zeuh a tunah chuan PHAITHAR tih kha PAITHAR tih alo ni ta.. Paithar khua hi thingtlang khawlian lo tak,In 120 lek khua ani a,kum 2014 khan kum za tlinna centenary te pawh lawm tawhin khua upa ve tawh tak chu ani,khawte takte Lal tha feltak awpna hnuaia awm anih vang in khawtlang inrelbawl dan a felfaiin tun hnu zelah pawh chu chu thalai ten chhawm chho in khaw chen nuam leh khualzin thinte pawn khaw nuam ti hial a an lo sawi thin ani ve a.Zoram in kristianna a  hmel hriat tirh te atang a kristianna hmel hriat in WALSE missionary te hial lo tlawh tawhna te ani ve bawk,Chu mi piah lamah Pathian rawngbawltu PU THANGBAWNGA leh PU HRANGLALA te rawng lo

Tute nge mizo?

Mizo te hi tute nge kan nih i han sawi dawn teh ang.Mizo te hi hnam huaisen leh tlawmngai thei thian chhan thih ngam a, a  tawp thleng thin, mahni chan ai pawh midang pe phal hnam kan ni. Mahse khawvel changkang zel  ah, chung hun chuan min liam san ta reng mai, thenawm leh thenawm an hnah in hawn chu sawi loh , t uisik in insak pawh hi thil harsa tak ani tawh . Chim ral hlau rengreng a khawsa in keimahni leh keimahni kan in ngaih silo, ram then awmte zuam tawk lekin kan mizo ava ang ta ve. ?  Ham thatna um ringawt in Ram hmangaih rilru pu siloin pawl kan vuan ani lo maw?kan in chhut ngun a ngai tak zet ,, kan nek kan nek ten thiamna lamah min leh thal tan tawh . Eng vang nge kan that chhia a thawh loh hlawh hui tumin kan Pam ham a, ram hmangaih chu sawi loh kan ei kaw rawng mek chu anih si hi. Awle! eng kan ti  ta nge,ti em em a kan pam ham tak mai le,hruai tu fel loh em  ni?nge nu leh pa fel loh za

Ani nen chuan

                        (Ani nen chuan) Hmalam hun beiseina nen harsatna karah pawh kan kal hram hram a, in hauh chang leh thilhriat fiah loh avang a intih thiam loh chang tamtak awm mahse kan thutiam hlen turin theihtawp kan chhuah hram hram a, duh leh duh kan nih tlat a vangin kan kar hla mahse thinglunga in zawmna chu a nghen em avangin, pawh then tum, thikthu chhia sualna leh buaina rallian chu tawk fo mah ila min paaw then hlen thei ngai lo a, hmangaihna a zawm kan nih tlat vangin, hmelma lakah pawh kan him leh pial thin. Mahse mihring famkim lo kan nih miau avangin lungawi loh leh inhmuh thiam loh chu kan tawk lo ani bik lo, Chung karah pawh chuan hmangaihna diktak nghing ve ngailo, rinawmna, dikna leh dawhtheihna a thuam chuan kan in hung tlat avang chuan hlatak ah kan in kalsan ngailo a. Kan tum leh tiam sa chu vawng nung reng in, hmalam panin kan kal bek bek a, hlawhtlinna hmu ngeiturin kan chakna zawng zawng leh theihna zawng zawng sawm khawmin tumruh tak leh dawhtheih ta

Lawi loh run

Duh thu lengtin sama  kan in biak thin avang chuan awm dun vat vat chakna chuan thinlung leh rilru chu a luah hneh hle a.Engkim mai chu kan rel dun a,darkar khat hi thut  thaw ven maimai nan chuan a rei viau a, mahse ani nen chuan second khat ang lek ani leh thin,hun chu kan kham khawplo ani ber a,ni lah arei hek lo,kan hun neih dan in a zir lo bawk nen kan in thlakhlelhna chuan kiam lam aiin zual lam a pan zel zawk a.     Mu mang ramah thleng chuan kan lo la in di a,mitthla ah chuan a lang bang lo ani ber,mit meng ila a zawng ruai a, a hlimthla bawk chu ka thlir leh thin,mit chhing ila mithlaah a lang chiang ting mai si,thinlung chuan a hre satliah a ni lo a,a hrening lo zawk ani.Engtik laipawn ka ngaihtuahna chuan a kal san ngai lo reng reng a,a zui ru reng a,a veng ru reng thin,laikhumah a zalin ka rauthla chuan a zal pui a,ei rel a siamin a sirah ka ding reng a,kawng a kal in a hnungah ka zui bang lo.    Zan anihin ka awmpui a,chhun anih pawhin ka thlah chuang lo,a ban ka vuan

In Di Rialin

Kan in hriatna chu kum em pawh la vei lo mahse kan i kar a hmangaihna awm chu dai mai thei ani tawh lo a,hmelma leh sel tu tam tak pawh lo chhuakin lo hrang mahse kan inrin tawnna chuan nghet tak a min zawmin selna karah pawh min chelh tlat zawk thin.      Mi dang te ang in,ni leng leh zan khuain kan in awm thei lo a,mahse kan in kar a zau tihna erawh ani lo,kanin ngaihna ti zual tu leh kanin thlak hlelhna  ti zual tu ani zawk,hmangaihna hlut zia min hriattir a,chu chuan kan kar nasa tak a ti nghet zualin rei lo te chhung lek pawn kan in thlahlel emem thin,    Selna tam tak hrangin hmel ma pawh lo hrang mahse chhel takin min vuan tlat a,harsatna kar ah pawh a nghing ve ngai lo a,a tuar hram  hram thin,puitling taka rilru a put thin vangin a thinrim emem lai pawn in zawmna pawh chhiat erawh a duh ngailo thung.    Kan in hmangaih em bik vang nge hmangaihna parvul tur phal lo chu an lo lang rang khawp mai,chu tak chuan kan tanrual a pawimawh zia chu kan hrezual a,chung selna te chu mi

A zeril

Mi dang te ang bawkin ngaihtuahna hrang leh ngaihtuahna mak pui pui a angaihtuah chang pawh a awm ve fo a,hmeichhia dang ang bawk a ang buan buan leh tawng phawng phawng erawh ani lo a,thinrim thei anih tlat avangin a thinrim chang pawh a tam mai.chu tiangah pawh chuan a thu sawitur chu angaihtuah hmasa thin a,tawngkam chhumbul tak si hriatnuam tak erawh a hmang fo thung.    A thinrimna chu ngawih bo pui a duh thin a,mahse  a chang chuan an hlawk hlawk te pawh a chak ve thin ang mahse mipui tling zia a ni tih  a hriat tlat a vang in a thinlung fim tak chuan a beng dai leh thin,"ka thin a chhe lutuk ka bulah chuan i awm rei peih loang", ti fo mahse,chu chuan a dawhtheih zia min hriattir zawk a,a chhan chu a fellohna hlir  a sawi hian mi in ngaitlawm leh chapo lo anih zia a ti lang zawk si a.     A mah a engkim neih duh mi ni mahse mipa lu a zah lo ngai lo a,mi thatchhia anih loh avangin rim takin hna a thawk a,a vui ngai lo a,a taihmakna chuan a hneh tawh avangin a awm ve m

Lawm ti kim tu

kan in tawn  atang chuan kum chu alo  vei ve leh tep tawh a,a hma aiin kan in nel tulh tulh a,engkim mai chu  kan in hriat pui a,kan harsatna te leh kan lawmna te chen chuan kan in hriatpui a.Engkimah chuan rei tak khawsa dun tawh ang mai in kan awm a.Chu tiang tak pawh in innel mah ila harsatna te leh buaina te chuan min kal san bik tihna ani lo.kan in hriattirh a kan thlir liam kha kan in hriat chian hnu a,min tina tu ani fo zawk a,engkim mai chu kan lak thutak  a kan fimkhur dun pawh a ngai tak zet zet.    Kan in pawh a,kan in hriat chian a kan in hnaih pauh leh hmelma an lo lian in min hnaih tial tial a,kan in kar a tlak zeh tum a  pawh then min tumtu lah bolo.A hma a kan hlimna thin te kha kan mittui ti tla tu anih chang lah bo lo,a hma a kan ngaihthah kha tunah chuan ngaihthah mai mai theih ani tawh lo a.thilte tham te a kan ngaihpawh thil liantham a ti thleng thei tlat.     Tui mal far tete in,tuipui lian tak a siam ang hian thil te tham te pawh kan ngaihthah chuan a hnuah re

Hma min hruaitu

A ni nen a hun hman chu nuam ka tih ber leh ka duh ber ani reng a,atam thei ang ber in biak chu ka chak a mahse a rem loh chang a tam zawk a,ani chu ka tan chuan engtik lai pawn a hman emaw tih mai turin,ka message chu a dah rei ngai lo a,min reply zung zung zel a,a theihtawkin min ngai pawimawh a,a hun  nei chhunah chuan ka tan a in seng fo thin a.     Kei aia upa anih zawk vang nge thu tam tak min hlui  thin a,a ni nen a in biak chu zirlai naupang ka ni leh ringawt thin mahse a chang chuan hriatthiam loh chang tam tak ka nei a chu tiang ah pawh chuan dawhtheih takin min hrilh nawn fo thin.    Engkimah chuan rawn tur leh ka harsatna te pawh sawi hreh lo turin min ti fo thin,hma lam pan turin min fuih fo a,ka hlawhchham a hlau thin lutuk hi vawitam kalsan a min vau chang a atam  thin.    A chang chuan ka hrethiam lo leh lek lek thin,mahse i tan tha tur tiin min hrilh nawn fo  thin.Mihring ka ni a chauh chang leh beidawn chang tam tak ka nei fo a,chutiang ah chuan min hlat ngai

Iai tu neilo

A pian mawina te leh hmel thatna te chu mi zawng zawng hriat a ni a,hmuh hmaih theih ani hauh lo mai,a hmu piang mit fuk na ani a,a hria a piang belh ani bawk,mahse chu tiang pawh chu ni mahse a hmangaih tan a rinawm lo ngai lo a,a thutiam ah nghet takin a ding fo a,penna tha leh hun rem chang tam tak nei mahse a kawng a zawh pelh ngai hauh lo.     Rinawmna chu nghet tak a vawng rengin a theih tawp a chhuah a,nghet tak a vuanin selna karah pawh a thlah lo a,dawhthei takin a chhawm zawk thin.Mi tam tak a tan an awm a,hel tu lah a vai mawlh lo,a hmu a piang mit fukna anih rualin a hrechiang tu a piang thinlung hneh tu ala ni zui a,a zun ah chuan an uai zo ta mai emaw tih tur in,a kiang hnai thleng te chuan an thlah lawk thei lo thin. Mahse mi pakhat tan a duan leh piang anih miau avangin mi zawng zawng tan a rem lo mai ani,Tam tak erawh a hnawl angai thung.Mahse dem a a awmin a vui ngailo a,a chhan chu hmangaihna hi sem zai chi ani lo ani tih a hriat a vang zawk ani.A hmel thatna leh

A THU THUHRUK

A tawngkam thlum leh nem diai chu hriat anuam ani satliah lo a,a cham hian a cham reng zawk ani.A sawi reng reng dawt a tel ngai lo a,a hmui chu thu dik loin a ti bawlh hlawh hek lo,ka tan thu tha a ui  ngai lo a,min zilh nan a hun lah a ui hek lo.Hmeichhe awm nem zawk ni mahse a rilru chu a paukhauh tlat si,a hmel leh pian chu sawi loh a lum ani a,a chhung ril mawina hian a khuh a ni ber mai.    A sawi fo leh ngaih pawimawh emem chu Rinawmna hi a ni a,a sawi reng a a sawi bang ngai hauh lo.Hmangaihna ah chuan rinawmna hi a pawimawh em em a,dam chhung  a awm dun tur chuan rinawmna neih angai a,chu rinawmna tel lo chuan hmangaihna a  famkim theilo a,a par vul thei hek lo,a kuh mum a a vul hmain a vuai in a chuai leh nge nge thin.chu rinawmna nei tur chuan mi nghet leh mihuaisen nih angai a,buaina leh thlipui lo hrang chang pawhin lungpui ang mai a din reng angai thin,hmangaihna kawng ah chuan hmelma an awm lo thei lo a, chu tiang karah pawh huaisen taka in rintawnna nen beih dun anih

NGAIHBAN THEIHLOH

kan hun awl zawng zawng chu in biak nan kan hmang deuh ber a,thil dang ngaihtuah lo leh midang ngaihtuah lo chuan kan pahnih chuan kan in kham khawp tawk em em a.   Kan karah midang an lo awm dah anga tiin eng kim maiah chuan mi hmuhtheih tur in kan pho lang a,chutiang tak chuan kan thinlung chu kan in pe ve ve a.Ni tiam chuan ka ngaihna a zual a,chhun anih a zan alo in her  chhuah pauh leh a zual ting mai a.In biak reng duh mahila kan hun neih in a zir miau loh avangin kan inbe tam hman lo.Chu mi kar ah chuan thinlung hian alam a a beisei bawk si.Vawi tam a message ka en nawn a,alo awm loh chang te hian ka nun khua a ngui a,thinlung a khawhar ngawih ngawih si.   Ni  leng leh zan khua chuan biak mawlh mawlh chak mahila a theih siloh,khuanu duan dan ani silo a,khuanu rorel dan ang a kan awm angai si a,mahse he thinlung hman hmawh leh thikthu chhe tak hian a hrethiam lo fo thin.,A tawngkam leh aw mawi tak a thinlung a tang a chhuak chu chhun zan zawm a hriat reng ka chak a,mahse a rem

Anka nem i

A hmelthatna leh pianmawina ringawt chu ka  thinlung lei tu ani lo a,a tawngkam mawina zawk chu a ni.Mihring kan ni a,harsat chang awm fo mahse tawngkam vin a hman ka hre ngai lo a,a aw hriat a nuamin a thlamuan thlak em em a,tawngkam tha a ui ngai lo a,tawngkam mawi lo a phuh chhuak ngai hek lo.     A zun a ka uai lutuk vang nge a tawngkam chu a thlum ka tiin ka thinlung hi a tui ral ani ber a.Hriatna beng hian a hre aning lo a,second tin mai hian hriat a chak a,minue tin mai hian a nghak thin zawk si.Mi dang nen vawi tam ka teh khin fo thin,anni ve vek angem ani ang hi tiin.Hmeichhia ani a mahse,a rilru erawh a puitling si,hnathawk mi a ni a,chauhchang anei fo ang tih chu ka ringhlel lo a,kei mi fello tak hian ka ti buai in ka ti chau zual thin ngei ang,a chang pheichuan a beidawn hial ka ring thin.Mahse chutiang kar ah pawh chuan vui hmui pu leh min nin na tawngkam  a chhakchhuak ngai hek lo.Hmeichhia  rilru no leh na hma ani a kei ka nat ai chuan tiin a mah in a tuar zawk chang p

Mawina in a thuam

A mah chu tlem te te in ka hre tan a,enge a tih a,enge a thawh thin tih te chu hriain a awm na te nen lam chuan ka hre tawh a.A tawng kam tha ri ngawt pawh chu thlak hlelh tham ani.   Ka ngaihtuah fo a,ka ngaihtuah leh thin mahse a chang chuan ka in sit leh thin,a sang ,mahmah em aw tiin.A hlimthla  ka thlir a sawisel na lai tur ka hmu lo a,a engkim mai chu a in chawihmawi tawk emem vek a.A thinlung lam thlir lek lo chuan ka thinlung chuan a in ta hauh hmak a,hriattir turin erawh huaisenna ka la nei lo.    Hmangaihna hian huam chin leh thlur bik nei lo mahse inrintawk lohna tam tak erawh ka nei lawi si.Engtik lai mai pawh a biak ka chak a,ka thlahlel a,ka tan a khuanu ruat ni hlauh se tiin beisei takin ka ngaihtuah vawng vawng a.   A hlimthla ringawt pawh chu hlimna min siam tu a nih avangin ka thlir nawn fo a,a nui hmel ringawt pawh chuan ka thinlung a hneh si, a phal em tih pawh zawt lo chuan nitin ka thlir a,ka nitin mit fuk na ani a,khua nu hian avan duang fuh bik em tiin ka ng

Hriatloh Lanu

Kum a lo vei a,hmalam hun atan tiin,khua chu ka chhuah san ve rawih a,rilru puitling lo tih tak ah ngaihtuah a tawi duh khawp mai,then leh rual leh hmelhriat awm lohna a han kal dawn meuh chuan thinlai a zing duh kher mai.Mahse hmalam hun atan kawng sial angai si a rilru chuan huphurh ru viau mahse dai erawh angai si.   Huaisenna neih a har in,tuma hriatpui loh hian rilru a rum vawngvawng a,harsa viau mahse kal hramhram erawh angai si,hrehawm a hmaasat loh chuan nuam a awm thei lo tih chuan,rilru beidawnna nasa tak ata chu min la tung ding hramhram a,chauh chang tamin khup te hial zawi mahse chu thu chauh chuan min kai tho in min nawr kal leh hramhram thin.    A chang chuan hringnun hi hriatthiam a har  in chhuah san chak vawng vawngna thinlung put a awl duh  kher mai.Mahni chauh a awm chang phei chuan thinlung a khua harin hnemtu a  zawng ruai thin,mahse thinlungin a beisei tak erawh a hmu zo lo,thian chu nei ve bawk mahila rilru in a beisei khawp a min hnemzo an nih tlat loh ava

State tree in Mizoram

Herhse mizoram state tree hi  30 m (98 ft) a sang ani thei a,a bul hi tehkualin 2 m (6 ft 7 inch) vel a lian ani thei bawk. a kung la puitling lo(tuai) kan tih ang hi a kawr var deuh si in a rang tial a, a kung puitling tawh erawh dun deuh si sen uk deuhin a hawng a awm thung a. A hnah erawh hring si a paw kai deuh 7–15 cm (2.8–5.9 in) a sei  leh 1.5–3.5 cm (0.59–1.38 in) hlai ani thung a,a hnah hnuai lam erawh avar thung. a kung tuai hnah erawh a eng sen deuh thung. a par hi teh kualin  4–7.5 cm (1.6–3.0 in) a lian ani thei a,a par parh hi pali niin serthlum rawng  eng ang hi ani . Mizoram a thing awm te leh a tangkaina :  Mizoram ah hian thing chi hrang tam tak a awm chung te chu tlem a zawng lo sawi dawn ta ila- Thingsia : Hei hi thing chang tak leh buk duh tak ani a, in ban atan a tlo hle a, mahse a zai erawh a hautak thung, favang ah a rah thinin thehlei leh sava mai bakah, mihring ei atan pawh atui hle, a kung hi a lian in buk tawi hluah ani duh hle. Ngiau: Ngiau hi th

State flower in Mizoram

(Red Vanda)Senhri mizo ten a kan hriat lar tak pangpar mawi tak tyna mizoramin state flower ni mek bawk hi,a par parh hi 4 atanga 6 niin,zinga ah par chhuakin chhuna nihin a par atak tulhtulh a,khua alo tlaiin a dul tialtial thin,a rawng hi a sen niin,nauban chi anih vangin thing ah an awm ber. Mizoram a pangpar chi hrang hrang te: Chhawkhlei: Hei hi a par sen mizoram ah chuan kan neih vang tak leh kan hlut emem ani. Ainawn: Heihi par var no tak niin, hla thu ah nula hmeltha teh khin nan hman thin ani. Nauban: Thing ah an awm deuh ber a,chi hrang tam tak a awm, apar pawl leh eng leh var te hi kan hmuh tam pawl ani. Tuah: Hei hi parsen ani a, thal ah par thin in, hla thu ah kan hmu tam hle. Vau: Hei pawh hi hla thu ah hman tam ani hle a,a par hi avar ani. Phunchawng: Hei pawh hi pangpar mawi tak ania, hla thu ah hman ani bawk. Chuailo: Par nalh tak ani a,hei pawh hi hla thu ah hman thin ani. Kawngkhar par(sharon): Hei hi zam chi ani a, a par hi chi hrang hrang a awm a,in

mizoram state animal(serow)

Mizoram state Animal SAZA(serow) hi Wildlife protection act 1972 hmang a humhalh niin,a lu atanga a taksa hi 90 atanga 150cm niin,a mei sei zawng hi 8 atanga 16cm ani tlangpui a,a dar hi 80 atanga 94cm niin,A pa rih zawng hi 50 atanga 140 kg pawh ani thei,a nu erawh 30 atanga 70kg an ni thei thung,ki tawi kual deuh 15 atanga 25cm an nei a,rawng uk buang deuh niin,taksa tawi leh ke sei tak an nei a,tlang leh kham lawn nan an hmang tangkai hle,tlan 200m atanga 3050m ah te an awm tlangpui a,thingbul leh puk te chu an in humhimna atan an hmang deuh ber a,a khawm leh pahnih lek tein an awm thin.An inthlah pun hun hi october atanga november thla ani,kum 2 atanga kum 3 an nih in nau anpai thei tawh a,an naupai hun chhung hi ni 205 atanga 230 ani tlangpui a an dam rei zawng hi kum 10 atanga kum 20 te pawh ani the. Tun ah hian Assam ram kashmir leh mishmi hills ah te,Yunan leh szechun hills Burma leh Malay peninsula sumatra ah te deuh chauh an awm tawh a,mizoram ah pawh akam chak hle,Ramsa h

state bird in MIzoram(VAVU)

(mizoram state bird Mrs Hume's pheasant) mizo in Vavu kan tih hi ania wildlife protection Act 1972 hmang a humhalh niin.An chen duhna hi ramngaw tlang sang tak tak 1000m atang a 2500m ah te ani tlangpui a,A pa len zawng alu atanga a mei hmawr thleng a tehin 80m atanga 90cm an ni thei a,a rih zawng hi 900 atanga 1080gm an ni thei.A nu len zawng hi alu atanga a mei thlengin 50 atanga 60cm an ni thei a,a rih zawng hi 650 atanga 850gm an ni thei,an lu hi a uk leh awmpaw buang deuh neiin,an mit hmul hi serthlum rawng niin,thla hmawr var leh mei var deuh annei a,a nu thla chhung lam hi avar niin a pa erawh a dum dal thung,an inthlah pun hun hi february atang a july niin,no anpai chhung hi thla 10 atanga thla 14 ani tlangpui a,tui hi 3 atanga 12 an nei thei a,an tui rawng hi cream var rawng niin,an hram dan chu TUK TUK ti emaw CHER A PER CHER A PER ti e mawin an hram thin,thing hnah,theirah leh mu te an ei deuh ber a,rannung leh changpat chenin an ei bawk,China,Myanmar,Thailand l

Indona

Hringnun hi a mak ve emem na na chu engtik lai pawh hian buaina hi pumpelh thei hauh lo a,Tisa duh zawng leh thinlung duh zawng a in kalh tlat avangin engtik lai mai pawh hian a nghing fo a,engtik lai mai pawh hian sual leh tha hi a indo reng a,hnehna chan erawh a haer thung theihtawp chhuah fe hnu pawh hian,hringnun hian a daih lo leklek zawk ani.a chhan chu thinlung lam atanga beihna hhi chu ana bikin inven dan pawh thiam a har a,hmuhtheih a achet tlat lohh avang hian.Indona ah chuan tlawm zawk leh chak zawk an awm thin,chak zawk ni tur chuan hmelma te chet dan leh dinhmun hriat a pawimawh,chu mitur chuan mithiam bik intelligent hial te tir an ni thin,chuti chung pawh chuan an la hrefiah kim chuang lo a,hmuh theih indona pawh chu titak a ven himna uluk anih,hmanrua leh pawh hmuh har khawpa thuhruk anih chuan thinlung lam indona chu inven har awm reng ani,tumah hriatpui lo leh tuma dopui theih ani lo a,mahni a ralthuam ngaihtuah a,beuh let angai a,mahni buaina anih vangin tuman m

LUNGNGAIHNA

                                                                                                                          Hringnun kawng zawh ah hian paltlang tur tamtak a awm a,Chung zing ah chuzn lungngaihna hi sawi hmaih theih ani hauh lo.Tu te pawh hian eng ti emaw zawng tal hian lungngaihna kan tawk theuh a,pumpelh theih lah ani hek lo,in ven dan thiam a lo inrinlawk lah chu  theih loh hulhual ani.Kan hma hunah kan la tawk dawn ani tih hrereng chungin,tawk tur leh hma chhawn  a chang tur chuan kan indah phal hauh lo,mahse khuarel ani lawi si.kan lungngaihna tawh dan leh chhan erawh a in ang lo a,a awh rei chhung pawh a in ang hek lo,Mihring hi Pathianin min din dan kan taksa ruangam hi chu  in a ng mah se,Pian phung leh hmel te,rilru te,a hrang theuh a,tlem tete a in an lohna chu kan nei vek a,mi lian an awm a mite an an awm bawk a,mi harsa leh rethei atanga,mi rilru zau leh thinchhia chenin kan khat nuk a,mahse chung zingah chuan lungngaihna tuar thiam erawh an vang khawp,tuar

TLAI NI TLA TUR

Tlaikhua alo ngui chang hian,ka ngaizual thin hmanlai chang hnu a liampui leh si hlimlaini zawng te let leh lo turin

HAN DAWN VE TEH

                                                  HAN DAWN VET  TEH! Hmasang a ta pipu sulhnu dawn chang ni hian lung a leng mang e! Nghilhni awmlo,lu chhum ban chhum huam a,piallei hmun rem bel a Zoram tan ti a beitu te,insulhnu tlang leh mual a dang silo. Mahse enteh Zoram hi chhingmit chhin zai rel a,lei hmun khawhar chhuahsan a,Piallei thuahriat hnuai a in zal atang khan Zoram hian damni hmel a hmu mawlh lo. Zoram hian ngawl a vei ta em ni?Nge cancer zawk? Vai len lai iang a buaina chhum  zing in min beih tak mai hi le. Khawiahnge zoram tan ti a mahni hrehawm pawisa lo a,lu chhum ban chhum huam thin thalaite kha le!Tun ah zawng pheichheh rem a hmatiang sawn zai reng rel thei an awm meuh lo,Chawlting zu dawn a lenlai chenin,An sakruangah laitha reng a zam mawlh lo, Mahni khua leh tui humhim tur a Pasaltha te khawm thin tu Lalte kha,Hmeithai pachhia te tan a thatchhuah thin te kha,tunah zawng zamual am liam tawh si a. Chung Pathian malsawmna zar a kan neih kan ram riangt

TAHNA

<<<Conti>>>>Chuvangin tahna hi chu mihring tan pumpelh thei ani lo,tute pawn an tawng vek,mahse kan tah dan leh kan tah chhan erawh a in ang lo chawk a,tah chhan in ang erawh chi hnih kan nei chu chu,pian hlim tah leh thihna avang a tah ani.  khawvel anih miau avangin naupan reng  theih ani lo a,kum upat ang mil zel a hun bi kan chhiar thiam erawh angai khawp,kan hringnun bultanna in ang vek mahse atawp kan khar dan erawh a in ang lo nuai thung,chutiang zelin hringnun chhiar chhauh dan pawh a in ang lo nasa thei viau ng.     Nausen nu hnute tui ring anih lai pawh khan he hringnun bul hi chu alo chhiar mek tawh a,nu in a chawm lai chuan hringnun awmzia ala hrelo a,a lo thanglian a,a hma a sial theih hnu thleng pawn puitling tiin ala sawi theih loh.A nih chuan puitlingna chu a awm lo ta em ni?Ni lo e,kum chu upa in lo tam mahse rilru erawh a puitling thei lo mai zawk ani.Hringnun hi chu chhut tam pauh leh a mak ting mai ni,rahbi a fuh loh chuan damchhung a daih

TAHNA

                                                                       HRINGNUN                                                                           TAHNA Lawmna hi mihring nunah hian eng ti zawng emaw talin a thleng ve chawk a,hringnunah chuan anuam laiber te pawh ani hial awm e.Mahse lawmna hian daih chin a nei a,he hringnun zinkawng kan zawh chhung hi chuan hlimreng theih ani lo a,nuih reng theih lah ani hek lo.                      Lawmna mittui luangin a ko chhuak,                      Zaleng naufa nuih laihni,                      Mahse rial ang dai tur nau ang nuih lai,                      Dawn si lo hian a liam leh si hawktui iangin,                      Mittui aluang thinlung tap e. Chuvangin he hringnun  hi atawp kharna chu mittui ani tlat,mihring kan lo pian chhuah hian lawmna nuiri leh kutbeng thawmin runin aluah a,chu chu  hringnun bul tanna ani tiin kan sawi thei hauh lo,a chhan chu kha naupiang lawmtu te kha bultan tawh te an ni tlat.   He hringn